معجزة جميلة للقديس ابسخيرون القلينى

كان الشغل عند زوجي ضعيف وكنا محتاجين أي حجم شغل يدخل المكتب (مكتب اجهزة اتصالات وصوتيات)
. وكنت بساعد زوجي في التسويق. وكنت بابعت لشركات كتير عشان يشتغلوا معانا لاكن بلا فائدة لمدة وقت طويل.

وبعد أن قرأت في مرة عن معجزة للقديس ابسخيرون القليني مع أحد أباء الكنيسة ، وانه زعلان لأن الناس مش بتطلبه ، طلبت منه بكل إيمان إن يساعدنا والشركات اللي انا بعتلها ترد علينا.

وبمجرد ان طلبت منه هذا الطلب، في نفس اليوم ردت عليا شركة كبيرة وعملت معانا شغل حلو قوي ، و علاوة على ذلك كنت باطلبه في كل مشكلة تقابلنا اثناء تنفيذ الشغل وكان بيحلها فوراً في ساعتها بدون ان يشعر العميل بأي مشكلة.

واللي اكتشفناه ان فيه ناس كتير كانت بتحاول تاخذ الشغل ده مننا و تحاول تبعدنا عنه ولاكن كان رب المجد و القديس العظيم بيبعدوهم عنا بدون ان نشعر. واحنا عرفنا كده بعد ما الشغل اتعمل. ´¯)
`*.¸.*´
¸.•´¸.•*¨) ¸.•*¨)
(¸.•´ (¸.•´ .•´ ¸¸.•¨¯`•.

معجزة أخري:
=========
في اثناء قيام زوجي بعمله مع أحد العملاء ، اكتشف ان محتاج نوع معين من الكابلات بسبب ان العميل وضع الأجهزة في مكان بعيد عن مكانها و ثبتها في مكانها وكان يستحيل التغيير، وكانت الساعة 2 الفجر و التسليم كان المفروض يكون 9 صباحاً وإلا سيكون هناك مشكلة، تحدثت مع زوجي في التليفون وقال لي هذه المشكلة وكان محبط ، من أين سوف يأتي بهذا الكابل في هذا الوقت و مين هايكون فاتح لحد دلوقتي

طلبت من القديس ابسخيرون القليني و العذراء مريم والبابا كيرلس ومارمينا و الملاك ميخائيل بشدة.

وبعد حوالي أقل من ساعة فوجئت بزوجي يدخل المنزل فسألته ماذا فعل

فقال لي ان احد مساعديه كان بالصدفة في وسط البلد ووجد محل للكابلات فاتح فقام بشراء الكابل المطلوب.

تخيلوا محل كابلات كهربائية يكون فاتح لوحده الساعة 2 الفجر ومفيش اي حد جنبه في المنطقة كلها فاتح!! .

´¯)
`*.¸.*´
¸.•´¸.•*¨) ¸.•*¨)
(¸.•´ (¸.•´ .•´ ¸¸.•¨¯`•.

صلوات وشفاعة هذا الشهيد العظيم فلتكن مع جميعنا دائماً آمين

صلوات وشفاعة القديس الشهيد العظيم ابسخيرون القلينى فلتكن مع جميعنا دائماً آمين