ساعدونى اتصرف إزاى ؟؟؟؟؟؟؟؟؟؟؟؟؟؟؟

صديقي وأخويا ملاك ابن المسيح لم يستطيع ان يكتب هذا المشاكل فكلفنى بنقلها لكثرة ضعف التيار الكهربي بدون ذكر أسماء*************** هاى .. ازيكم .. انا عندى 21 سنه وبحب شخص من 7 سنين يعنى من اولى ثانوى بالظبط طبعا هتقولوا ان دى مراهقه ومش هتكمل وكدا .. هو انا دلوقتى مقتنعه انها ف البدايه ولحد سن 20 كانت كدا وسبته عند السن دا بالظبط ع اساس انها كانت مراهقه ولعب عيال بس ب...عديها ب 6 شهور رجعنا تانى بس المرة دى انا اخترت وانا فاهمه كويس كل حاجه مش عيله ذى الاول .. هو اكبر منى ب 5 سنين وبيحبنى جدا وف الفترة اللى بعدنا فيها اهله ضغطوا عليه انه يخطب وكدا وخطبوله غصب عنه بس هو حاول يتأقلم مع اللى خطبها علشان ينسانى بس معرفش خالص لانه متعلق بى جدا وسابها علشانى ع الرغم من انها قريبته جدا والموضوع دا عمل مشاكل كتير ف العيله عنده .. المشكله انه هو مؤهل متوسط وانا مؤهل عالى خالص وان كمان عيلته كلها ماعدا اسرته انجيليين مش ارثوذكس وكمان حصلت مشاكل كتير جدا زمان لما كنا بنكلم بعض لما كنت ف ثانوى وبابا وماما كانوا دايما بيقولولى ان دا لو اخر واحد مش هتاخديه .. بس هما كانوا بيقولوا كدا علشان فاكرينه بيضحك على .. هو شخص كويس خالص وانا اكتر حد اعرفه ومرتاح ماديا جدا وظروفه تسمحله انه يتجوز من سنين بس هو مستنينى .. انا خلاص داخل 4 كليه يعنى هو ممكن يتقدم السنه اللى جايه .. هو مستعد يتقدم من زمااان بس المشكله عندى ان بابا وماما صعبين جدا ف حوار الجواز دا ومش بيرضوا باى حد حتى مع اخواتى .. احنا هتقابلنا مشاكل كتيييييير جدا لما يتقدم .. انا خايفه جدا بس بحس كتير ان ربنا معانا .. لانه رغم السنين دى كلها وطبعا احداث كتير جدا ف النص صعب تتحكى .. كان بسماح منه بنرجع تانى لبعض .. انا دايما بصلى كتير للموضوع دا .. تفتكروا ممكن يكون ربنا مش راضى برضه عن الموضوع دا وسايبنا عايشين كدا ومش عارفيين اهلى هيوافقوا بعدين ولا لا وسايبنا كدا ؟؟؟؟؟؟

اولا لازم تصلى لربنا و تطلبى منه المعونة
هل هو لو تقدم ليكى اهله هايوفقوا ولا هايرفضوا علشان لازم ياخد موافقتهم الاول علشان ماتحصلش مشاكل بعدين
و بعد موافقتهم يروح يطلبك من اهلك و انتى حاولى تفهميهم انه شخص كويس و مناسب
و موضوع المؤهل المتوسط و العالى مش مشكلة مادام انتى موافقة و راضية
و ربنا يوفقك و يساعدك و يختار ليكى الصالح

ياأختى اكيد الوالدين ليهم وجهة نظر معينة وصدقينى هما دايما بيكون علي حق
ممكن هما يكون شايفين حاجة أنتىمن حبك لهذا الشخص وتعلقك بيه تكونى مش شايفها
بصى أكيد المشكلة بالنسبة ليهم مش المؤهل ممكن تكون حاجة تانية هما شايفنها بعدين
اكيد زى ماقال أ. ملاك تصلي وتحكى لأبونا والخير ربنا يعمله ليكى
ممكن يتقدم تا نى ولو هو كويس من وجهت نظرهم مش هيرفضوا
وربنا يختار ليكى الصالح