محتأجة لصلواتكم ؟؟؟؟؟

صديقي وأخويا ملاك ابن المسيح لم يستطيع ان يكتب هذا المشاكل فكلفنى بنقلها لكثرة ضعف التيار الكهربي بدون ذكر أسماء***************انا محتاجة مساعدتكم اوى انا بنت عندى 23 كشكل الناس بتقول انى جميلة اوى وانا بشكر ربنا على النعمة ده وكلية كويسة وشغلى حلو واهلى طيبين وبنحب ربنا اوى وربنا بيباركنا بحاجات كتير انا اتقدملى ناس كتير اوى بس محصلش نصيب والمواضيع بتخلص من اولها ...بس معظمها منى لانه مش بيبقى فى قبول اصلا وكمان بيبقى مفيش توافق انا كنت متعرفة على شاب فالكنيسة وكان فى قبول بنا ويعتبر حبينا بعض بس مقولناش بعدها حصل سوء تفاهم بنا كتير ووصلت انه قالى خلاص مفيش نصيب بنا وكده وانا بعدت عنه خالص وكل ده ماما كانت عرفاه فطبعا اخدت انطباع عنه انه بيضايقنى ومش مريح مرت فترة بس كنا بنكلم فوسط زمايلنا فالكنيسة وكل منشوف بعض بننسى الزعل وبنكلم عادى بس فاليوم بس وبعدين كل واحد فحاله الفترة ده بقى مش هبالغ لو قلت بيتقدملى كل يومين واحد من القرايب ناس تجبهوملى كده وهو بيعرف وهو كمان بيحكيلى على البنات اللى بيتعرف عليهم عشان يرتبط يعنى احنا الاتنين مش عارفة ازاى بنقول لبعض كده بس انا اتضايقت انى خلاص مش فباله وبيشوف بنات تانية ومضحى بيا لناس تانية بس حصلت صدف كتير اليومين دول خليتنا نتكلم كتير ورجعنا نتكلم ونسينا كل الزعل ولا اكننا بعدنا يوم ولا اكننا زعلنا بعض خالص وحاسة اننا اكننا بنتعرف من الاول ولسة بحبه وحبيته اكتر من الاول كمان وبيوحشنى وبوحشه جدا لو يوم متكلمناش ندور على بعض انا فرحانة اوى بس خايفة انا بحكيله على العرسان اللى بيجولى بيضايق ويقولى ربنا يعمل الصالح طيب انا مش فاهمة هو عاوزنى ولا لا ولو عاوزنى ساكت ليه ولا مستنى لما اتخطب ولو مش عاوزنى مبسوط انى ابقى معاه بس وحب امتلاك بس "بس انا حاسة انه بيحبنى اوى وهو رغم هزاره وكده بس فالمواضيع ده جد وده اللى كان بيسبب خلافات بنا لانه كان واخد الموضوع جد وانا كنت وخداه تسلية فالاول بس وكمان انا مليش خبرات كتير حب وكده فمكنتش فاهمة حاجة"بس دلوقتى كمان ماما واخدة فكرة عنه وحشة وهو مناسب فى كل حاجة كل حاجة ماعدا الشكل هو مش وسيم اوى وده بيضايقنى ساعات وبقول عاوزة حد شكله حلو زيى بس انا بفرح اول ميكلمنى حبيت كل الحاجات اللى بيحبها حتى حبيت اسمه قولولى اعمل ايه ابعد عنه خوفا من المشاكل واعمل ايه فالعرسان اللى بتجيلى ده
صلولى ارجوكم كتييير اووووووووى انا فحيرة بتخلينى اعيط كل يوم قبل منام واقول لربنا الحقنى وريحنى صلولى ارجوكم يمكن ربنا يستجيب ليكم

اولا ربنا معاكى و ام النور ترشدك للصح
هو لو بيحبك صح اكيد هايتقدملك و يخطبك
هو فى اقتراح بس انا مش عارف هاينفع معاكى ولا لأ لاننا فى مجتمع شرقى و البنت بتكون مستنية الشاب يفاتحها فى موضوع الجواز و الحب . بس انتى ممكن تلمحى ليه و تفهميه انه لو بيحبك يتقدملك
اما بالنسبة لموضوع الشكل فالراجل مش بشكله
و لازم تصلى كتير علشان ربنا يدخل فى الموضوع و يحله
و ربنا معاكى

سؤال مهم :
لو عايزك أيه اللي يمنعه انه يتقدم ؟
ممكن يكون بيعاملك عادى حتى في الهزار والضحك اوك كاإخوات وانت فهمتى الأمور بطريقتك
ممكن تصلي كتير ان ربنا يريح بالك من التفكير
وياريت لو سمحتى أرجوكى تحكى لأبونا ومن غير كسوف علشان ينصحك ويرشدك
علشان الشيطان مايخدشي فرضة انه يلعب بيكى بالأوهام يعنى وتقدري وتعيش في الواقع اكتر
ربنا يكون معاكى ويختار ليكى الصالح ويعمل ليكى كل خير

ولا ميرسى للاخ يسئ وميرسى للاستاذ وربنا يبارك واقول لصاحبت المشكله ابعدى عنه ولو بيحبك بجد ويسوع اذن انه يكون من نصيبك هيكون لان ماجمعه الله لايفرقه انسان هيجى ليكى بجد من غير هزار او اى شئ اخر وربنا معاكم جميعا