ارجوكم ساعدونى؟

16**************مساء الخير .. انا عايزة رأيكم وصلواتكم فى موضوعى وهاحاول اكون مختصرة .. انا اتخطبت مرة عن حب شديد جدا وانتهت على اتفه الاسباب بسبب كلمة طلعت غلط واتفهمت غلط انتهى الموضوع واتفسخت الخطبة بعد مرور حوالى 7 اشهر اتخطبت تانى جواز صالونات زى ما بيقولو هو مهندس من الشرقية مشكلتى معاه انى انا حاجة وهو حاجة تانية خالص مافيش بينا اى حاجة مشتركة نهائيا مافيش بينا حوار او كلام ألا بسيط قوى وكان فى اول الخطوبى واصبح الان معدوم تماما هو غير اجتماعى بالمرة وانا اجتماعية جداا اولا هو مش بيروح الكنيسة ولا بيصلى ولا بيصوم خااالص وشايف ان دى حرية شخصة وماليش انى اسألو حتى وبعد مناقشات حجتو ان كاهن الكنيسة اللى فى هيهيا بالشرقية كاهن مادى ومقره الناس فى الكنيسة ومرة لاقيتو كاتب شكوى فى الكاهن بأسلوب حاااد جدا وبيديهانى بكل فخر اقراها ومن كتر غضبى قلتلو انا شايفة واحد سلفى كاتب شكوى فى واحد مسيحى الشكوة كلها زى ما بيقولو كده شتيمة بالادب مهزء فيها الكاهن جداا ولاقيتو على الفيس كاتب تعليق على مقالة لعلاء الاسوانى ضد البابا بعد نياحتو انو مش من حق البابا انو يقول رأيو فى السياسة ويخاليه فى الدين وبس ومعلوماتو بيكتسبها من افلام اجنبية زى كان فى فيلم عن اول بابا للكنيسة كان بيعزب الوثنين علشان يكونو مسيحين واكتشفت ده بعد مناقشتو ليا ن بيدينى الكلام ده على انو معلومة مأكدة بالصدفة بتفرج على فيلم على الجهاز بيتاعو لاقيتو فيلم بيحكى اللى كان بيقولهولى وقفل معايا الكلام من الناحية الدينية تماما كنت هافسخ الخطوبة بسبب الموضوع ده بس ضغط امى عليا انها ثانى خطوبة وكلام الناس وعايزة تطمن عليا خلانى رجعت فى قرارى انا عندى 26 سنة وهى شيفانى كبرت جداا والعمر الجواز هايفوتنى خصوصا ان كل بنات العيلة اتجوزوا ألا انا انا وهو اجتماعيا مختلفين وطريقى اللبس مختلفة من ناحية الشياكة وكان الموضوع ده مضايقنى من اول يوم وقعدو يقولولى انت فى ايديك انك تخاليه يلبس كويس حاولت فى العيد لاقيتوا رافض يلبس على زوقى ومتمسك جداا بالصناعة المصرية %100 يخرج معايا فى عيد ميلادى واول مناسبة تعدي علينا بعد عيد ميلاده يقولى بعد ما اروح مش تفكرينى اجبليك هدية عيد ميلاديك وبعد المناسبة بى 3 ايام باعتلى( سلطنية شربا) انا مقدرش اقول انو بخيل هو مش باخيل بس فى بعد التصرفات اللى مش بفهمها زى انو يرجع لواحد اشترى منو حاجة ساقعة بعد ساعتين علشان فى جنية باقى مع انو واضح انو راجل غلبان انا مش باحبو ولا عارفة احبو ولا هو بيحاول يحببنى فية بالعكس كل تصرف بيقفلنى منو اكتر من اللى قبلو وانا مش عارفة اعمل ايه اكمل عشان كلام الناس وعشان بيقولولى انتى حبيتى قبل كده كنتى اخدتى ايه؟ ولا اسيبو ومش هاخلص من اللى امى هاتعملو ويعالم ممكن يجيلى عريس تانى ولا لاء على كالمها انا عارفى انى طاولت عليكى جداا بس انا بجد محتاجة رأيكم ضروري جدااا انا بقالى فترة كبيرة عايزة ابعت ومكنتش عارفة وبرضو مش متأكدة ان الميل ده هايوصل ولا لاء ارجو الرد فى اسرع وقت انا بقالى 5 شهور مخطوبة وده برضو وقت محسوب عليا ارجوكم الرد بسرعة

أنا حاسس أنه مفيش لا حب ولا تفاهم

دايما مختلفين

مفيش حوار

مفيش نقطة تفاهم

وكمان موضوع الكنيسة والكهنة كمان مقلق

حاولى ولا مفيش فايدة فيه

بلاش منها الجوازة دى وربنا يبعتلك أحسن منه

لازم يكون فى وفاق وتفاهم بينكم وتكونى مرتاحه عشان ده هيبقى عشرة العمر وانتى الوحيد اللى هتقررى وربنا معاكى