انا محتارة وحاسه انى تايه

مساء الخير انا ه م
فتاة مخطوبة عايزة اخد رأيكم ضرورى انا اخدت خطيبى عن اعجاب وارتياح كبير بس فجأءة حاسه ان مشاعرى بتتغير من ناحيته مش عارفه ليه يكن من كتر الخلافات بس هى خلافات عادية جدا واراء مختلفة بينا كتير وبرضو اراء بسيطة بس الصراحة اراء بتضايقنى منه اوى ساعات بحس انى عايزاه وساعات احس ببرود ناحيتة مش عارفه ايه السبب ودى مش اول خطوبة ليا فصعب انى افك يعنى هيبقى صعب نفسيا عليا لانى بتعب اوى من ارتباطى بحد وابعد عنه وللاسف انا مش عارفه ايه السبب حاسة انى تايهه

حاولى تقربى منه اكتر و تتعرفى عليه اكتير و تعرفى أرائه و ميوله علشان تقدرى تعرفى جوانب التوافق بينكم
المهم تقتنعى به 100% قبل الجواز لان بعد الجواز مفيد مفر
و ربنا معاكى

أختى العزيزة المباركة :

1- كويس أنكم بتحبوا بعض وأخذتيه عن إعجاب وارتياح كبير

2- موضوع الخلافات اللى بينكم ده شئ طبيعى جدااااااااااااااااااااااااااااا

3- لكن حاولوا تتفاهموا وممكن الواحد يضحى بوجهة نظره من أجل الآخر

4- أحيانا بتحسى ببرود من ناحيته عادى مفيش مشكلة بتحصل كتير بين المخطوبين

وأحيانا بيتخاصموا أيام وبعد كده يرجعوا لبعض تانى

5- حاولى تفهمى طبعه وهو كمان يفهمك

6- يا ريت مش كل ما تقعدوا مع بعض تتكلموا فى الخلافات بينكم

اتكلموا فى نقط الاتفاق أكتر مع بعض وقولى لنفسك أن الاختلاف شئ طبيعى

7- يا ريت منخسرش بعض علشان أمور بسيطة كما ذكرتى فى كلامك

8- دايما فكرى فى الحاجات الحلوة اللى فيه وهو أيضا يفكر فى الحاحات الحلوة اللى فيكى

9- ممكن يكون الخطوبات السابقى ليها دور يا ريت تنسى كل اللى فات ولا تقارنى بين خطيبك والسابقين

10- صلى لربنا أنكم تفهموا بعض أكتر

ممكن تعتبيه اول بالأول بمحبة وهدوء مش بعصبية وتشوفي ايه اصل الأخلافات وتحلوها مع بعض
ومتخلوشي الزعل ياخد مكان كبير مابينكم ربنا يبارك حياتك
ودبر كل اموركم للخير

حضرتك من النوع اللى مش بتحبى الصراحه بتحبى النفاق وحاولى تسيبى قناع اللى بتحبيه النفاق وهتشوفى انه بيحبك لانه لو مش بيحبك مش هيقولك لصراحه وربنا يوفقق ببركه يسوع وام النور والقديسين

» شريط (( تايه)) لفريق اولاد الملك