انا تعبت من التفكيرومحتارة

أنا بنت عندى 24 سنة ... متقدملى شخص أعرفة كويس و أصحاب جدا من أيام الجامعة وقريبيين أووووى من بعض و عائلتنا يعرفوا بعض ... بس المشكلة إنى مش قادرة أوافق لأنى مش عارفة أرتبط بية عاطفيا حاسة أن أحنا أصحاب أوى وبس لكن هو بيحبنى جداااااا و بيح...اول كل يوم أنة يلغى فكرة الصداقة دى من مخى ... المشكلة الأكبر من كدة إنى لحد دلوقتى مش قادرة أفاتح البيت فى الموضوع لأنهم تقريبا 75% هيرفضوا لأنة أصغر منى بسنتين و هما كمان مش قابلينوا شوية عشان مستواة و شكلة ... لكن أنا كل الحاجات دى ماتفرقش معايا لا الشكل ولا المستوى حتى السن مش مشكلة لانة ناضج و متفاهم و عقلانى و كل صفاتة حلوة ... بس أنا محتارة دلوقتى أركن مشاعرى دى على جنب و أعتبرة إرتباط صالونات و مش مشكلة أحبة دلوقت و أكيد الحب هايجى بعدين بالعشرة وأحاول أقنع أهلى بأى طريقة عشان ماضيعهوش من إيدى .. ولا نفضل أصحاب أحسن بدل ما نحاول و نفشل عشان هوة مش هايتحمل دة و أنا مش عايزة أخسرة أبداااااا .... من فضلكم حد يرد عليا من المتخصصين ... مش عايزة أى رد وبس عشان محتاجة رد قوى و فعال عشان فعلااااا فعلااااا تعبت من التفكير

أختى المباركة :

1- هو صاحبك لكن ممكن يكون زوجك أيضااااااااااا

2- كويس أنكم عارفين بعض من زمان يعنى مش هتحتاجوا وقت للتعارف

3- كويس أنك مش مهتمة بالسن بصورة كبيرة وده كويس

4- أنتم قريبين من بعض والاسرتين عارفين ده يبقى ايه المانع

4- حاولى تقنعى أسرتك بأن الشكل مش كل حاجة مدام هو كويس وأنتى مقتنعة

5- الحب هيجى هيجى

6- صلى لربنا واتكلى على الله وربنا يتمم على خير

طالما انتى مقتنعة بيه بهذه الدرجة تتستطيعي ان تقنعى اهلك بالهدوء والتفاهم والتعقل ايضا
وان فرق السن لم يكن فرق كبير وانكم عارفين شخصيات بعض والأهل ايضا لهم علاقة ببعض
وان الشكل لم يكن كل شيء اهم حاجة الأخلاق والروح الطيبة وزى ماانتى قولتى الحب كده كده هيجى
بالعشرة الطيبة وربنا يكتب لكى كل الخير ويبارك حياتك

اولا صلى ليسوع عشان يختارك الصالح ولازم انتى اللى تختارى عشان ده ارتباط وربنا يدبر ليكى الصالح

» بجد تعبت اووي
» شريط تعبت من الضياع