انا راى صح والا خطا

أنا مش هطول عليكوا أنا بنوتة عندى 21 سنة تصدقوا أول مرة أعرف بجد أن اللى بيحب حد بيبقا عاوز يديييه حب حتى لو مش هياخد منه حب يعنى أنا الأنسان ااالى بحبه أو اللى أتمنى ربنا يجمعنى بيه ويكون شريك حياتى فالمستقبل هو لسه مقلش حاجة ولا هقوله قول... حاجة بس عاوزة أنا اديله كل مشاعر حلوة كلامه حتى القليل معايا حتى لو كلمه بسيطه منه حلوة بتنسينى الدنيا واللى فيها متقولووووش أنتى مراهقة وكدا لا أنا بحب واللى بيحب بينسى نفسه مع الأنسان اللى بيحيه بس أنا عندى سؤال للولاد لما تكون معجب ببنوتة وهى بتحبك لا وكمان بتمووت فيييك وعاوزة تفرشلك الأرض ورد أيه اللى يمنعك أنك تاخد خطوة ؟ أنا مش قصدى خطوة فى أرتباط عنى تدبيسة بدرى بدرى لا قصدى أنك تقولها ما الأعجاب ده مع حبها لييك أكيد هيكون حب وياما ناس خدوا ناس جواز صالوناات وبقوا بيحبوهم قوى أحنا ساعات الفرصة بتجلنا مرة واحدة أننا نلاقى الأنسان الصح وبتجلنا 1000 فرصة أننا نسيب الأنسان ده أنا عاوزاكوا تصلولى عشان ربنا يدخل فالموضوووع أنا بحب وحسه أن الدنيا دى كلها حلوة وهو فيها ربنا مايحرمنيش منه حتى لو مش لبعض ربنا يخليييه ويخليييه أسعد واحد فالدنيا .

شكلك كدة بتحبيه قوى و اعتقد كمان انه الحب الاول . صح ؟
انا شايف انك مندفعة شوية فى مشاعرك
لو هو بيحبك لازم يصرحلك بمشاعرك و حبه و يتقدم لاهلك علشان يخطبك
ربنا معاكى

أختى العزيزة :

فعلا يبدو أنه أول ( حب )

أو ممكن أقول إعجاب بشاب معين

الصح يا أختى أنك تمنعى قلبك من الحب والتعلق لآنك مش هتضمنى

أن الشخص اللى هتحبيه وتتعلقى بيه سوف يتزوجك

وكمان ممكن هو يكون مش واخد باله من حبك ده لآن الموضوع مش مى دماغه دلوقتى

خطورة الموضوع ده أنك تحبى شخص وتعيشى معاه فى خيالك

وتتعلقى بيه تعلق خاطئ وبعدين تفوقى بعد ما تكونى تعبتى من ( الحب الوهمى )

وخلى بالك أغلب الامور بتكون إعجاب وليس حب

وخصوصا لو أنك أول مرة تدخلى فى علاقات مع شباب

أختى العزيزة :

1- شغلى عقلك مع قلبك ، العواطف لوحدها بتدمر البنات

2- هل تقدرى تقولى لهذا الشاب أنك بتحبيه ؟؟؟؟ صعبة ومش مقبولة

3- أعقلى وخليكى كبيرة ويا ريت متحبيش ولا تدخلى فى الموضوعات دى قبل الوقت المناسب

4- صلى وربنا هيدبر المناسب

شوفى يا اختى لو انت بتحبيه وشايف انه بيحبك او معجب قولى له عشان تعرفى انك صح ام وهم المراهقه

» انا صح والا غلط
» ارشدونى اسيب خطيبى والا ايه؟
» اعمل ايه ارتبط بيها والا ايه؟
» اليكم افضل خمسين طريقة لتخفيف الوزن
» حبيبى اقل منى فى التعليم اسيبه والا اكمل معه؟