شوفو مارمينا والبابا كيرلس بيعملوا ايه

الاستاذ / عفت ابراهيم – بورسعيد
انا اتعرضت لظروف قاسيه جدا

فقد ارادت مشيئه الله ان يتوفي ابني الاوسط ( عماد )

بعد مرض عضال وده في سنه 1982

دخلت بعدها في حاله من الحزن الشديد وده اثر علي حالتي الصحيه

كان جواياه رغبه شديده جدا اني اروح دير مارمينا بصحراء مريوط

فاخدنا ميكروباص صغير وكان معانا قرايبنا وكان الجو شتاء والمطر غزير جدا
وكنا خايفين ما نقدرش نكمل الرحله

فاتشفعنا بالبابا كيرلس
ولما السواق سمعنا بناجي البابا كيرلس ولم يكن من ابناء الكنيسه

فقالنا ده مبروك ده شفي اختي لما زار الزقازيق

وكان مصر اكتر مننا اننا نكمل الرحله

لما وصلنا الي قريه بهيج عند بدايه المدقات والطريق كان رملي مش ممهد

قالنا كشك المرور اننا مستحيل نوصل الدير في السيول دي

ده حتي الاتوبيسات الكبيره رجعت وما كملتش الرحله

بس لما لقوا اصرارنا الشديد سمحولنا نكمل السير

وصلنا الدير في شبه معجزه وكان الميكروباص زي مركب ماشي وسط المياه

اراده ربنا سمحت وصلنا بالسلامه

ودي كانت المعجزه الاولي

حضرنا القداس وتناولنا من الاسرار المقدسه

دخلنا مزارالقديس مارمينا واخدنا بركته وبرضوا مزار البابا كيرلس

وحطيناه قدامه حزننا

وطلبنا منه يشفع فيناه اننا نجيب طفل بدل الي فقدناه

فلم يكن قد حدث حمل منذ وفاه ابننا

رغم عدم وجود اي موانع او امراض تمنع حدوث الحمل

صلاتنا كانت قويه والاستجابه كانت سريعه من السما

علي لسان الانبا مينا نيح الله نفسه

لما عرف بالي حصلنا قال بعد ما صلي علي راسي انا وزوجتي

سوف يعطيكم الله عطيه باسم صاحب الدير " مار مينا " –
بعدها بوقت قصير حملت زوجتي

وقبل اكتمال الحمل اخبرنا الطبيب

بضروره الاجهاض لخطورته علي الجنين والام

حزنت جدا خصوصا لما عرفت ان الجنين كان ولد

لكن والدي نيح الله نفسه قالي مش الانبا مينا قالكم

ان المولود ها يكون علي اسم صاحب الدير ( ماري ) مينا

يا ابني عطيه ربنا ليك ها تكون بنت
وها تسميها ( ماري )

بعدها حملت زوجتي واعطانا الله طفله جميله

سميناها ماري رغم ان زوجتي كانت عاوزه تسميها لورا

لكن الراهبه بمستشفي الدليفران ببورسعيد
قالت لا ها نسميها ماري

لان هذا اليوم كان عيد العدرا عند الكاثوليك

وبعد فتره من الزمن حملت زوجتي مره اخري وكان المولود ذكر

وكانت تريد تسميته مايكل

ولكنني تذكرت رساله السماء

بان العطيه علي اسم صاحب الدير
ماري مينا

وبما ان ربنا اعطانا ماري

فان المولود الجديد لاازم نسميه

مينا حتي تكتمل النبؤه ونمجد الله في قديسيه

نشكر ربنا الي بيتمجد في قديسيه

يا رب اضئ بنورك علينا

قوم كل اعوجاج فينا

فيض ببركاتك علينا

شفاعتك يا مارمينا ويا بابا كيرلس

شفيع التعبانين