ازاى اتخلص من شريط الذكريات المؤلم فى حياتى؟؟؟؟

هنا اهم 7 نصائح لنسيان الذكرى المؤلمه...

اول شيء...
__________
واجه نفسك وفضفض , اتكلم عن المك وعن تجربتك السابقه بكل احداثها لشخص تثق فيه , يسمعك بس بدون أي تقييم لمواقفك السابقه او أي حكم على أي تصرف ليك , مع التعلم من اخطائك و اقرار التقصير في حق الذات لفتره فاتت من عمرنا ما هي الا ماضي سيتم محوه و نسيانه
تاني شيء..
__________
خلي عندك نظره للمستقبل, اتعلم فن التخطيط للمستقبل, ارسم طموح , واعرف ان حتى الوقوع في الخطأ يعتبر نعمه لانك لسه موجود و عايش عشان تعلم من الخطا دا , فيه غيرك لسه هيقعوا في نفس خطاك , لان الكل يخطيء لكن الذكي هو اللي بيتعلم ازاي ما يكرر خطاه مره تانيه..اعتبر الخطا مجرد تجربه , و الالم و الندم الناتج عن الخطأ مجرد مرحله..اكيد هتمر..الباقي هوا المستقبل و التخطيط له هوا طوق نجاتك
تالت شيء..
___________
اعتبر كل الماضي صفحات في كتاب العمر , اطويها و ابدأ صفحه جديده اول سطر فيها كلمة " الامل" وتاني سطر فيها كلمة " الطموح " و السطر التالت لاخر الكتاب كلمة " الاستمراريه للتعايش "..

رابع شيء..
__________
تسمع عن حاجه اسمها " فن محو الاحزان " مباديء الفن دا ان تاخد كل العبر من الماضي و تحولها في معمل المخ و العقل الباطن لخطوات عمليه , اعتبر ان كل شيء غلط انت عملته عباره عن قطعة حجر في طريقك ..تخطيها . تجاوزها بكامل جسدك للامام..
خامس شيء..
____________
اعرف ان كل عثرات الماضي فعلا هي خطوات ثقه للمستقبل و اقتنع تماما بفكرة ان كل هفواتك في الماضي ماهي الا دلائل طريق و اشارات تنير لك ما هو قادم ..علشان يكون فيه الاحسن لازم يكون فيه الشيء الحسن ..اوعى تعتبر أي جزء من ماضيك سيء لدرجه تفقدك الثقه بذاتك و تخلي كل ماضيك خوف , لكن قول ان الماضي اللي انا عيشته مكنشي كويس بس دا دليل ان اللي جاي احسن..علشان تتذوق و تدرك معنى الشيء الحلو لابد ان يمر لعابك على شيء مر و سيء فتعلم ان مالديك هو القيمه ...
سادس شيء..
___________
استرجع فقط الذكريات الجميله ..خلي عندك سياسه في التعامل مع نفسك ومع حتى عقلك الباطن ..مش بقول انك تعيش في حالة نكران للذات او تنسى كل شيء, بس انتقى كل ما هو جميل في شجرة حياتك و انعم بها ..واترك كل وريقات الماضي الباليه ليطيح بها هواء المستقبل النقي ويجعلها هباءً لا قيمة له..
سابع شيء..
__________
اعرف و اتأكد ان مافيش حد الا و جواه هم..مافيش حد خالي من الهموم..اصعب شيء في تذكر الشيء المؤلم انك تحس انه في نفس اللحظه اللي انت كنت بتتألم فيها كان فيه حد غيرك مستمتع بحياته وانه اذكى منك ..صدقني غلط..كلنا بنتالم بس اختلاف توقيت الألم عند كل واحد و اختلاف طبيعة البشر و اختلاف ظروفنا عن بعض هوا دا الفرق..لكن الالم عامل مشترك في كل الناس..
___نصيحتي الاخيره ..لا تجعل ماضيك يتحكم بكل ما هو قادم في مستقبلك

الله عليك يا دكتوررررررررررر