أشهر جمل بيقولوها الأب و الأم هههههههههه

أشهر جمل بيقولوها الأب و الأم هههههههههه

........انا جيبالكم شويه اقوااااااااااال اللي بتتقااااااااال في معظم البيوت

* ابقي نشف الحمام بعد ما تخرج منه.

* يا خويا ياريت حافظ الدروس اللى عندك زى ما انت حافظ الاغانى كده .

*قبل الفجر:ارجع بات في المكان اللي انت جاي منه.

* لو كانت اللي علي التليفون طنط سلوي قوليلها ماما نايمة .

* امشى جاتك مشش فى ركبك .

* جتها نيلة الى عايزة خلف تيجى تتفرج .

* متحطيش الموبيل جنبك و انت نايمه هيجبلك تخلف عقلي .

*ذاكر ياموكوس مش فالح غير فى الهيافه والكلام الفاضى.

* متتأخرش وهات عيش وانت جاى .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

*أوعي حد يضحك عليك ويقولك جرب السيجارة دي.

* قوم اقرا لك كلمتين ينفعوك .

* وطي المدعوق ده شويه .

* مش ملاحقه علي التليفون ولا الموبيل عملالي فيها الست المهمه.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* هي الوزيرة معندهاش وزاره النهارده قومى يا حبيبتى الساعه10 .

* يابني بأسلوبك ده مش هتعيش معاك واحده .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* وانت فاكر احنا مستنيين منك حاجه .

* المسلسل مش هينفعك ...قوم .

*مين اللي ساب باب التلاجة مفتوح.

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانت داخل الحمام .

* كفايه رغي في التليفونات .

* ماتتأخرش علشان عندك كلية بكرة بدرى.

* انا عارفة ازاى المك .

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسه .. وماتمشيش في مظاهرات .و امشي جوا الحيط .

* قومي سخني الأكل لأخوكي.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟

بجد كل ده بيحصل في اي بيت وبالذات لو عندهم اطفاااااااااااااال
يارب الموضوع يعجبكم

» أسباب أسرية ( قسوة الأب + تدليل الأم )
» أشهر النباتين في العالم
» أشهر معابد العالم..
» تقليد رائع هههههههههه
» اضحك كركر هههههههههه