تريد حلا صلولها

فيه واحدة اعرفها بتحكيلي حكايتها ومش لاقية حلول ليها قلت اكتبها في المنتدي واخبرها
هي اتجوزت شخص عن حب وبتقول انه كويس وعارف يعني ايه زوج وقايم بواجباته علي اكمل وجه ولكنه عصبي وكتير بتحاول تهديه لكنه لما بيكون مضغوط نفسيا في امور متعلقة بالظروف والمعيشة بتلاقيه بيصب كل ضغطه فيها
ولانه بيضايق من اهلها بسبب مشاكل حصلت في الخطوبة بنه وبينهم مانعها عن انها تكلم خواتها ولو كلمت امها وامها طالبت انه يكلم خواتها فيمنعها عن الكلام مع امها ويقولها انسي اهلك وبتحكيلي انه غيور جدا خالص
فطبعا لو فكرت انها تسلم علي حد حتي لو قريب يبقي نهاية الامر عصبية ونرفزة وتهديد
وعشان ساعات هي مبتقدرش تسكت فطبعا الامر بيزيد سوء انا حاولت اقولها ان الجواب اللين يصرف الغضب
لكن هي قالتلي احيانا مبقدرش فبتكلم ولكن اللي انا عرفته من قصتها انها هادية كتيروبتكلم قليل بس انها تتكلم ده بيهيج الامور خاااالص بتحكيلي علي مدي صعوبة الامور بينهم لانها بتقوللي وقت وجوده في البيت معظمه صراعات هي متجوزة جديد ولسة مجبتش اولاد فبتقوللي انا كل خوفي من بكرة لما يكون فيه اولاد بينا
صلولها ولو حد عنده حل يقول انا قولتلها علي المنتدي تكتب مشكلتها قالتلي ان جوزها مبيحبهاش تكون علي النت ولانها بتقولي امينة معاه حتي في غيابه فمتقدرش تعمل حاجة من وراه

الحقيقة هي صعبت عليا ومن تأثري بمشكلتها قلت اعرضها عليكم منها تصلولها ان زوجها يتغير ومنها اللي عنده حلول ليها يقول واخبرها
هي بتكلمني وهي بتبكي وحست انها ندمانة علي جوازها
بتقوللي انا تعبت لانه عصبيته بتوصل لاعلي الحدود
حاولت اهديها الحقيقة معرفتش حتي جوزي حكيتله مشكلتها قاللي اللي زي دي ربنا معاها ويقويها مافيش غير نصليلها ونطلب من اجلها ان ربنا يضع سلام بينها وبين جوزها
وبركة الرب معكم وربنا يضع حلول سلمية ليها امين+

يسوع يقف ويكون معها مع ام النور وبركه القديسين تريد حلا صلولها 48496

! تحاول تخلى جوزها يرجع محبته لاهلها بكل الطريق الممكنه ولما يكون مضايق تعمل له اللى بيحبه من كلام او طبع كده يمتص غضبه ويكون هادئ او تحاول متتكلمش وهو غضان ولكن انا رائ الراى الاول لان الراجل بيكون ساعتها زى الطفل الصغير محتاجه الحب والحنان من الحزن والغضب تريد حلا صلولها 3455107432

لحضرتك و

1- فعلا ربنا يكون معاها واللى ميحلوش الناس يحله ربنا

2- ده طبع رجال كتير وناس كتير منهم اتغير بعد فترة من الحب واللطف فى المعاملة

3- يا ريت تتحمل شوية وتحاول تفهمه وتنفذ كلامه على قدر المستطاع

4- أحيانا يكون الكلام غير مرغوب فيه فيكون الصمت أفضل

5- تحاول تظهر أنها مش متضايقة من تصرفاته وتبتسم فى وجهه دايما

6- بلاش أنها تتعامل كتير مادام هو بيغير تحاول تقطع الشكوك ديه

7- تحاول تمدحه وتظهر فضايله وتقوله اللى نفسها يكون فيه

يعنى لو هى عاوزاه يكون هادى لما يدخل من الخارج تبتسم وتقوله ايه الملايكة اللى جاية دى

ايه الهدوء اللى أنت فيه وده أسلوب تربوى ممتاز

8- الصلاة ثم الصلاة ثم الصلاة

لازم تصلى و تخلى جوزها كمان يصلى و ياريت يروحوا الكنيسة مع بعض و يقربوا من ربنا
وهى لازم تعذر جوزها لان ضغوط الحياةو احيانا بتخلى الواحد عصبى غصب عنه
وواجبها هى انها تمتص الغضب دا بكلمة حلوة منها و اهم حاجة هى متتعصبش زيه لانهم لو اتعصبوا هما الاتنين ممكن تحصل مشاكل كتيرة جدا
و بالنسبة لأهلها تحاول تخليهم يقربوا منه و تخلي جوزها ينسى اى حاجة حصت اثناء الخطوبة
و ربنا معاكم

شكرا لمحبتكم
هوصلها الرسالة وربنا معاها وتحصد الخير بقوة ربنا تريد حلا صلولها 736426796

» ماذا تريد ياقلم ؟؟!!
» ماذا تريد الكنيسة من الشباب -الأنبا موسى