دقيقة من فضلك.........

حد حاسس فيكم ان حياته من غير معنى؟؟؟
انه ماشى فى طريقه الروحى بس بالرتم البطىء اوى؟؟
انه بعيد اوى عن ربنا؟

انه بقاله كتير مقعدش معاه؟؟؟
او هو اصلا طول حياته لسه مقعدش مع ربنا القاعدة اللى بيتمناها وبيسمع عنها؟؟ا
مش اقصد الصوم والصلاه والخدمة وقرااية الانجيل وبس
لااااااااااااا
قاعدة زى اللى كان بيقعدها الانبا كاراس معاه و تماف ايرينى وابونا اندراوس الصموئيلى وكل القدسين دول


اقصد حد قبل كده
قعد معاه اتكلم بقلبه بكى وطلب منه محبته؟؟؟
بجد سؤال هل فيكم حد لبخته الحياه والدنيا وقيدته بمشاكلها؟؟؟؟

جميله المنتديات المسيحيه بس بندخل نعمل ايه؟؟؟؟
تسليه منفعه روحيه ولا بنكلم ربنا ولا ايه؟

جميل الفيس بوك والجروبات المسيحية اللى فيه لكن ربنا فين فى الفيس بوك؟ انت كده بتقرب من ربنا لما تبعت او تقرا رسالة فيها ربنا؟؟؟

جميل الشات والتعارف على بعض لكن ياترى ربنا فين
هل بنتعرف عليه؟؟؟؟؟؟
جميل ان يكون عندنا اصحاب كتير نعرفهم ونخرج معاهم بس هو كده بنعرف ربنا اكتر لما نصاحب ناس اكتر ؟؟
جميل اننا نروح الكنيسة حتى لو كل يوم بس هو فى كل مرة بنروح علاقتنا بتزيد مع ربنا ؟؟

ولا هو اقل اهتمامتناااااا
حد فينا فكر وسال نفسه ربنا رقم كام فى حياته واحد؟؟؟؟؟؟؟؟؟؟؟؟؟؟
لو هتقول رقم واحد
طب ليه بنحط النت ساعات قبل ما نصلى والكليه واصحابنا واهلنا قبل ربنا ؟
عارفين انا لما بفكر كده بلاقى ربنا رقم كااااااااااااااام؟؟؟؟؟؟؟؟؟؟

اكيد انتو عرفتو: الاخير

مهو لما ربنا تبقى مساحته عشر دقايق بالكتير يبقى لازم يكون الاخير
شوف انت صوحابك واهلك بتعد معاهم اد ايه وبتكلم معاهم اد ايه؟ وربنا بتكلم معاه اد ايه؟؟؟

ليه ربنا مستحملناااااا كل ده ليه بالرغم من هو الاخير فى حياتنا
احنا كل واحد مننا هو الاول عنده بيهتم بيه بمشاكله بحياته
ياااااااااااه احنا لو فكرنااااا هنموت نفسنا من التفكير ومش هنوصل لمحبة ربنا
بس وبعدين تفتكروا هنفضل واقفين بعيد متحسرين على حياتنا نادمين من غير ما نتغير
لازم نعمل حاجه
لاااازم
نقوم دلوقتى نرفع قلوبنا ليه
نقعد معاه القاعده اللى نفس كل واحد فينا يقعدها معاه
يلا كلنا نوعده اننا نحاول السنه دى وسنين حياتنا الجاية اننا نخليه
رقم وااحد
فى حياتنا
انا عارفه انى طولت عليكم بس عايزه كل واحد يدخل هنا
يوعد وعد قدام نفسه وقدام ربنا انه يصلى حالا حااالا لربنا يسيب كل حاجه ويصلى ويبدأ صفحه جديده مع ربنا علاقة اصحاب وعلاقة حب

انا مبسوطه انكوا قضيتو دقيقه بسببى نتكلم عن ربنا لان ما احلى الكلام عن ربنا
وامتع الوقت اللى بنقضيه فى الكلام عن حبيبنا


نفسى بجد من انهارده نتعلم نصلى صلوه صغيره خالص
ممكن

علمنى يارب ان احبك وان اعمل ما يرضيك ان اهبك يومى كله بل وحياتى ايضا ان تصير انت الاول والاخر فى حياتى وان لا اضع اهتمامى فى العالم بل ارفعنى بفكرى

بجد يادياناااا موضوع هايل
ربنااا يعوض تعب محبتك