شخصيات من تاريخ الكنيسة

الرب يقاتل عنكم وانتم تصمتون
الصراحة انا مش عارف ابدا منين؟ لان الكلام كتير وانت عارف ...البابا زخارياس الاول كان فى السجن من فترة اصل الحاكم بأمر الله كان عايزة يسيب المسيح بس البابا قال لا طبعا الحاكم مسكتش دة سجنه ورماه للاسود ...بس طبعا انت عارف مين اللى معانا تصور الاسود ما عملوش حاجة خالص لدرجة ان الحاكم اتغاظ وكان فاكرها شبعانة بس برضه حتى لما جوعها فضلت هادية وما عملتش حاجة عموما الحمد لله خلاص البابا زخارياس خرج من السجن مرة كنا فى دير ابو مقار وبعدين فيه راهب اسمه بيمن دعانا علشان نروح معاه دير شهران مش حتصدق قابلنا مين هناك....قابلنا الحاكم بأمر الله شخصيا بس زى ما يكون حد تانى دة اتكلم معانا بكل احترام ومودة لدرجة انة اصدر امرا بفتح كل الكنائس وارجاع الحاجات التى انتهبت منها وكمان ارجاع الاراضي والبساتين بتاعه الكنيسة مش بس كدة دة اعفانا من الزى الخاص الغريب اللى كان مخلينا نلبسه وسمح تانى اننا ندق الاجراس فى الكنائس ياسلام دة ربنا بيحارب عنا واحنا صامتين..عارف اية اللى خلانى اكتب دلوقتى عل طول ..اصل فيه واحدة الظاهر اها غبية جابت للبابا مبلغ كبير . وراح البابا زخارياس قال لها ربنا يقبل عطاياك وسكت . بس الظاهر ان الست كانت عايزة البابا يصلى لها اكثر. اصلها خرجت كدة مكشرة تعرفوا لما شفتها وهى خارجة بالمنظر دة رحت للبابا وقلت له عليها فقال لى طيب ناديها لى تانى وقال لى كمان هات ميزان معاك وعمل حاجة غريبه قوى دة حط الفلوس بتاعه الست دى فى كفه وجاب ورقة وكتب فيها الرب يقبل عطاياك وحطها فى الكفه الثانيه تصور..الكفه اللى فيها الورقة هى اللى كسبت في الميزان وقال للست يابنتى خذى من الميزان اللى انتى عايزاه طبعا بعد اللى حصل الست اخذت الورقة واحتفظت بها الكلام مش بيخلص بس انا لازم اقوم دلوقتى علشان دة وقت رفع بخور عشية اشوفكم بسلام دائم تلميذ البابا زخارياس الاول البابا ال66
مص في عهد الفاطميين.
بركة هذا القديس وتلميذة فلتكن معنا امين

شخصيات رائعه